اصول الرخامه على واحد نايم
عزيزي الصاحي اذا كنت تعاني من أرق لأي سبب
و حاقد على واحد نايم .... وقدامك واحد نايم
ماعليك الا ان تتبع الخطوات التاليه :-
1) اذا كان في عز نومه وانت مانمتش أو مش جايلك نوم ادخل الغرفه وشغل النوووور
واطلع بمنتهي البرود كأنك لم تفعل شيء.
إذا كان نومه خفيف هايصحي وهيقولك ( إطفي النور يا ..... )اكيد هتتشتم
إتفقنا إنك بارد لذلك
لا تعطيه أي إهتمام و تذكر القانون الأول لنيوتن في التنفيض
" لكل فعل له تنفيضة مساوية له في المقدار و مضادة له في الإتجاة " .
أما لو كان نومه تقيل يبقي تستعمل الطريقة رقم 2
2 ) إكتشف إن في بيتكم سرير وعايز تتأكد إن كل حاجه تمام و إن السرير
رجليه مظبوطة طبعا دا السرير إللي أخينا
نايم عليه ويمكنك ساعتها القيام بالكثير من التخبيط و الدق وتحريك
السرير ولكن إنتبه فقد يصحو من النوم فيجدك تحت
السرير او رأسك في متناول يده فلا أحد يعلم ساعتها ماذا يمكن أن يحدث
لو كان من هواة النوم وبجوارهم مفتاح
إنجليزي .. لذلك أنصحك أن تهز السرير هزات عنيفة حتي يستيقظ وقبل أن
يفيق تماما أركض بأقصي سرعة
3) اذا كنت مقهــــــــور من واااحد ناايم العصر او الظهر أدخل الغرفه
وغطيه كويس و إقفل المروحه واطلع ولا تنسى أن
تغلق الأبواب والنوافذ. ( ده لو كنا ف الصيف)
واذا كانت في دفايه ف الاوضه, شغلها بقي علي أسخن حاجة وسيبه
واطلع بره كأنك ولا تعرف حاجه عن الموضوع وعيش ف دور الاستهبال
لسه ما قامش ؟؟ إوعي تيأس
4) لو كان لسه ماقامش !!! حط ايدك على الراديو وشغل محطه حبذا لو كانت بتاعت أغاني هابطة وعلىّ
الصوووت على الآخر و امشي إنت وكمل شوف كنت بتعمل ايه
5) اذا كان لسه نايم وانت شبعااان نوووم بس عايز تتونس:
جيب ميه ساقعه وقرب من النايم وقطر على جبهته قطره قطرة هايترعش
ويمسح جبهته فاكرها نمله ولا حاجة .
واقعد كده لحد ما يصحي أو يقوم يرزعك قلم محترم علي وشك ويكمل نوم
6 ) خذ منديل ولفها لحد ما يبقي على شكل العود... الغرض ان يكون نهاية
طرفه حاد ..
وبس .. أخينا رأسه أصبحت ملعبا وأنت الهداف
ممكن تحطها في ودنه
ممكن تحطها في أنفه
لو صحي يبقي إحتمال إنه يفرجك علي عنبر الكسور في أي مستشفي قريب من
بيتكم
السبت يونيو 06, 2009 10:58 am
