كيف تكتشفي انا حبيبك كداب لا يحبك

زائر

--------------------------------------------------------------------------------

كيف تكتشفى ان حبيبك مايستاهلش حبك ثانية

كمااان؟

(1) انك تكونى مستعدة تضحى بكل حاجة علشانه وهو خايف يضحى باقل حاجة ليخسر.

(2) ان انتى تسامحيه اكتر من مرة وهومش مقدر انك بتيجى على نفسك لواحد
مايستاهلش.

(3) يكون مصمم يجرحك بكل الوسائل والطرق ولا كانه بيقوم بواجب وطنى بجرحك.

(4) يكون واثق من نفسه بطريقة غريبة قال اللى خلقه ماخلقش غيره.

(5) تكونوا فى عز الرومانسية وهو مصمم ينكد على اللى خلفوكى
ماهو مش هايجيلوا نوم لو كنتى مبسوطة.

(6) يعمل العملة وهو واثق انك هاتبررى موقفه قبليه يعنى مش هايتعب فى اقناعك.

(7) ياسلام لو عملتيله اعتبار خدى عندك مثلا اتاخرتى برة شوية تتصلى بيه تعتذري له
ماهو راجلك ومايصحش تخرجى الا لما تستاذينيه
وهو يرد عليكى ببرود انا ماليش كلمة عليكى اعملى اللى انتى عايزاه
يا برودك يا اخى .

( الغرابة انه يحسسك ان انتى حياته وروحه والكلام الفاضى ده
ولما تبادليه الشعور ينفضلك بمعنى تانى يتمسكن لحد ما يتمكن.

(9) فى يوم يقولك انه مش مستعد يواجه الناس بحبكوا وانتى بكل سذاجة لازم توافقيه
هاتقولى ايه يعنى ونبى لا واللى يفقع المرارة انه هايبقى يطمن عليكى من وقت للتانى
مانتوا اخوات ؟
انا ماليش اخوات ياخويا.
(10) يرجع بعديها بفترة يقولك ماقدرتش على بعدك وانا حياتى من بعدك ضاعت
وكلام الاغانى اللى كلنا حافظينه وبغباوتك تصدقيه ويعيد اللى كان
من قرف ونكد اه يا ........ ؟

(11) اللى يقهرك اكتر انه فاكر ان هو لوحده اللى بيتعذب وانتى ولا هنا
هو لازم اخد مطوتين فى وشى علشان اكون باحس و تعبانة يعنى.

(12) لو كان ليه اخت بنت هاترفض الموضوع طبعا لانها خايفة عليكى
(انتى هاتشتغلينى)وعلى سمعتك ما هي البنت المثالية(يا وحشة).

(13) لما ترجعوا تتكلموا يقولك ان اهله عايزين يكلموا معاكى فى موضوع
(هو شوية اختك وشوية اهلك ايه العيلة الفاضية ديه).

(14) لو قلتيله فى مرة ان ولد كلمك فى الجامعة (ولا فى ولد ولا يحزنون)
بس بتحاولى تعملى حريقة الحب وهو يرد انتى بتحاولى تخلينى اغير
بعينيك وش كده يا اخى مادام انت عم العريف
اعمل فيها اهبل علشان الامور تعدى دا انت ....... يا اخى.

(15) عمره ما يقولك انه بيحبك رغم محاولاتك المستميتة علشان تسمعى الكلمة دى
هو انا بحب كومة تلج.

(16) انه يكرهك فى الدنيا والحب والناس اللى اسمهم زيه
ويحسسك انك ولا حاجة (شوية عياط).

(17) يا سلام لو بعتلك مسج يتملى فى جمالك وبعدين يقولك احنا ماننفعش لبعض
انا ظروفى ماتسمحش بالا رتباط دلوقتى
(انت مابتعرفش تكمل للاخر يا اخى).

(18) لو حاولتى فى يوم تزعلى من موقف عمله ضايقك هايسيبك لحد ماتتفلقى
وترجعى انتى تتاسفى على ايه ماتعرفيش
(ابدى الندم........مش لا زم اكمل والاحراج ده مانتوا حافظين الاغنية).

(19) من الاخر هاتحسى انك عشتى اسوا قصة حب فى تاريخ البشرية كلها
زى الافلام الهندى اللى بنتفرج عليها لا و مش اى افلام هندى
الافلام اللى فى الاخر البطل والبطلة بيموتوا فى الاخر موتة بشعة
(الحرق........الخ)
وبعدين المتفرجين يقوموا ينتحروا
بعد لما يعرفوا ان طاقم الفيلم كله ولع فى نفسه تضامنا مع الياس من الحياة
(يعنى متعذبة دنيا واخرة اه يا ...... اهو دا اللى ييجى من ورا الهباب اللى اسمه الحب)

(20) انا طبعا مش هاسيبكوا كده امال فين كيدهن عظيم
والله لاهنعلمهم الادب يعنى اقفلها فى وشكوا واخلع مش شهامة ديه
اللى عملوه فينا هانطلعه على جتتهم.

انا مستنية لافكاركم للانتقام من البشر
اللى حولوا حياة كل بنت لجيحم ..........فيا بنات العالم اتحدواااا.........

انا مستنياكواااااا.................مع مساعدتكوا هانقدر نعمل اللى احنا عايزينه
بااااااااااااااااااااااااااااااااااااااااااااااااا اااااااااااى؟

كل ده
بس انتي واقفه يعني في ضد الولاد ليه ....
احنا مش كده نهائيها ههههههه

زائر

ههههههههههههههههههههههههههههههههه سيدى يا سيدى حلوة اوى يا ليالى

زائر

mony276 كتب:

كل ده
بس انتي واقفه يعني في ضد الولاد ليه ....
احنا مش كده نهائيها ههههههه

انا مش ضدهم ولا حاجه بس معظمهم بيعملوا كده (انا بقول معظمهم مش كلهم)

زائر

لى لى كتب:: ههههههههههههههههههههههههههههههههه سيدى يا سيدى حلوة اوى يا ليالى

ميرسي كتييييييير ليك يا جمييييييل منوره مواضيعي كلها

يالهوى يا ليالى ايه دا كلوا
كل دا على الولاد
ايه الكره الى انتى بتكرهيه للولاد دا يا ليالى دا حتى احنا غلابه والله
يلا الى هقدر اقوله كل واحد عارف نفسه
ههههههههههههههههههه
تسلم ايدك يا ليالى وابعدى عن الولاد لحسن نعمل مسابقه حرووووب بين الولاد والبنات

زائر

Admin كتب:: [color=darkred]يالهوى يا ليالى ايه دا كلوا

كل دا على الولاد

ايه الكره الى انتى بتكرهيه للولاد دا يا ليالى دا حتى احنا غلابه والله la مش كره ولا حاجه والله يا أحمد بس كتير البنت تحب والولد مش بيهمه الحب ده كل اللي يهمه انه عايز يتسلي وخلاص واوقات تانيه يكون هيموت عشان يلفت نظر بنت ولما تحبه وينأكد من حبها ده بينفضلها
يلا الى هقدر اقوله كل واحد عارف نفسه
صح كده يا كبير
[color=green]
تسلم ايدك يا ليالى وابعدى عن الولاد لحسن نعمل مسابقه حرووووب بين الولاد والبنات
هههههههههههههههههههههههههههههه

شكرا علي مرورك و تعليقك يا جميل

صوح يا ليالى عداكى العيب

فى حاجه يا عم احمد عاوز تقول حاجه مثلا

انت بالذات مش تتكلم فى الموضوع ده

وانا معاكى يا ليالى

.شوق الأماكن. كتب:: فى حاجه يا عم احمد عاوز تقول حاجه مثلا

انا اتكلمت اساسا ولا انتى بتجرى خناقى مثلا

انت بالذات مش تتكلم فى الموضوع ده

واشمعنه انا بالذات يعنى
الحمد لله ام العيال معانا فى المنتدى هههههههههههههههه
وانا معاكى يا ليالى

انا مش معاكم ههههههههه

زائر

أم العيال أكيد معايا ما أنا صاحبتها ولا ايه يــــــــــــــــــــااااااااااا............................ه

» كيف تعرف من يحبك انه فعلا يحبك
» كيف تسترجعى حبيبك
» صفات من يحبك
» كيف يحبك الناس
» رسول الله يحبك